طريقة عمل المنسف الاردني

طريقه عمل المنسف الاردني

--------------------------------------------------------------------------------

كيفكن حبيباتي حبيت اكتبلكو طريقه عمل المنسف الاردني طبعا هاي الاكله المشهوره بالاردن


اولا

لحمه بلدي او دجاج حسب الرغبه+ارز تايجر او اي نوع كويس المهم رز مصري+جميد او لبن والافضل يكون جميد بس في ناس ما عندهم++لوز او صنوبر وبقدونس


نسلق اللحمه نقطع عليها بصل ونضيف البهارات المشكله والماجي لما تستوي بعدين نصفي المي عنها ونخلي شوي بس ونضيف محلول الجميد او اللبن ونظل نحرك فيه حتى ما يفرط

واذا استخدمتي لبن حطي معه شويه طحين ونشا لان اللبن خفيف ما يطلع زاكي والطحين والنشا يتقلو

ونحط ماجي وكمون وهيل مطحون ورق غار ولما تشوفيه صار يفور اتركيه وحركيه عالخفيف


طبعا نعمل الرز لحال ونحط معه شويه كركم وبس بدون بهارات


وبعديها نحط الرز ونفرد فوقيها اللحمه ونرش اللوز والبقدونس
ملااااحظه(الاصل بالمنسف الاردني اللحمه البلدي والجميد) لكن في ناس يعملو بدجاج ولبن ينفع بس الازكى والاصل
جميد ولحم
وصحتين وعااااافيه واي سؤال انا جاهزه

ياعيني سبقتيني عليها المنسف الاردني يم يم

يسلمو كتير زاكي اكيد بدون ما ذوقوبس بدجاج وبرضو هوا مشهور بفلسطين مش بس بالاردن يلا مش بينا كلو بالاخر منسف